BUTUAN CITY – Gipadayag ni Major Rodulfo Cordero Jr, Civil Military Operations kon CMO Officer sa 401st Brigade Philippine Army nga ang korapsiyon sulod sa New People’s Army kon NPA, ang rason nga misurender ang 19 ka rebeldeng sakop sa Guerilla Front Committee 3 sa Southern Mindanao Regional Committee sa New People’s Army kon NPA.
Nasayrang mitahan ang mga niini sa kagabhion sa pasko ngadto sa 75th Infantry Battalion, Philippine Army pagpanguna ni Lt. Col. Jaime Datuin og sa 26th IB pagpanguna ni Lt. Col. Romeo Jemenia sa lungsod sa Trento, Agusan del Sur.
Ang nasangpit nga ihap gilangkuban sa tulo ka mga babaye og 16 ka mga lalaki diin Bitbit sa ilang pagtahan ang napulo ka mga high-powered firearms, lima ka mga short firearms, tag-usa ka hand grenade og rifle grenade, ubay-ubay nga mga magazines, kapin sa usa ka libo ka nagkada-iyang bala, tulo ka handheld radios og mga backpacks.
Sigon sa opisyal gibutyag mismo sa mga misurender nga dunay dakong korapsiyon sulod sa kalihukan diin dagko ang nakuha sa mga extortion activities apan wala sila makatilaw niini. Naglisud matud pa sila sa pagkaon og wala na usab silay ikatabang sa ilang pamilya.
Sa karun, pabiling gipahiluna ang mga misurender sa headquarters sa 401st brigade Philippine Army alang na usab sa ilang kaluwasan.
Nakadawat na usab ang mga niini ug tabang para sa ilang hinanaling gikinahanglan sama sa hygine kit, senina ug pagkaon pinaagi na usab sa programa sa probinsyal nga kagamhanan sa Agusan Del sur.
Samtang musunod na niini ang pagpa-enroll kanila sa E-Clip aron madawat na nila ang cash assistance ug ang bayad sa ilang gitunol nga armas.
Samtang giklaro usab ni Major Cordero nga planuhon pa nila pag-ayo kung asa papuy-on ang mga niini dungan sa pagbutyag ngsa dunay housing assistance nga etunol Apan ugaling gusto silang mobalik sa ilang kumunidad, seguruhong magkahiusa sila aron kung dunay musulod nga armado, gelayon kining mapaabot ngadto sa kasundaluhan aron ma-aksiyunan. (Rolan Janea)
