BUTUAN CITY – Naghatag og libreng tour ngadto sa mga delegado sa Palaro Tu AgSur 2026 ang probinsyal nga panggamhanan sa Agusan del Sur isip kabahin sa ilang makasaysayanong pag-host sa national sporting event.
Tumong niini nga dili lang mapakita ngadto sa mga delegado ang pagka-hospitable sa ma AgSurnons ngadto sa mga bisita kondili aron dili nila makalimtan ang turismo ug kultura sa maong lalawigan.
Sigon ni Vice Governor Patricia Anne Plaza, mahimong mu-avail niini ang mga atleta, coaches, ug mga accredited delegates isip complimentary tour padulong sa nagkada-iyang tourist attractions ug cultural landmarks sa ilang lalawigan.
Apil sa mga destinasyon nga mahimo nilang bisitahon ang Agusan Marsh Wildlife Sanctuary, Mega ug Togonan falls, Puting Buhangin cave, Lolong Crocodile Tourist Eco-Park ug ang Lanipao Tree Park diin makita ang replica sa buayang si Lolong ug apil na usab nag kasikbit nga mga lalawigan.
