BUTUAN CITY – Misaad si Kapitan Desiderio Cuenca sa Brgy. Pinamanculan ning siyudad sa Butuan nga iyang lakwon karong Lunes ngadto sa National Commission on Indigenous People kon NCIP-Caraga aron masuta ang kamatu-uran sa claimsa Tribung Lapaknon nga ancestral domain nila ang 25-ektaryang luna sa may Purok 1-A ug Purok 5-B nga gireklamo sa mga residente.
Madumdumang gipalagan sa maong mga residente ang wala’y basehang pag-angkon sa mga tawo ni Eddie Asaytuna nga ila ang maong luna tungod kay gihatag kini sa gobyerno kanila pinaagi sa gihuptan nilang Certificate of Land Ownership Award kon CLOA.
Ilang gikadismaya ang wala pag-aksyon matud pa sa kapitan taliwa nga niadto pang tuig 2015 nila kini gireklamo hangtud nga sila na ang gibali og reklamo’g harassment ug trespassing sa nagpa-ilang tribu.
Gisaysayan ning sibyahan ang kapitan sa mga kasong gilambigitan sa mga Lapaknon hangtud nga misaad kining sutaon ang kamatu-uran sa gil-angkong luna sa maong grupo.
