-- ADVERTISEMENT --
BUTUAN CITY – Gisuspende og tulo ka buwan sa Sangguniang Panlungsod ning siyudad sa Butuan epektibo kagahapon si Ampayon Punong Barangay Rodencio Basubas Jr.
Kini pila ka adlaw lang ang nakalabay human nakapyansa dihang na-entrap sulod mismo sa iyang buhatan tungod sa kasong estafa nga gibato kaniya.
Sigon ni Michiko de Jesus, tigpamaba sa Butuan City government, daling gi-serve sa punong barangay ang preventive suspension order human gipirmahan ni Mayor Ronnie Vicente Lagnada ang SP resolution no. 286-2020 nga matapos sa Nobyembre 13 ning tuiga.
Sa eksklusibong pakighinabi sa Bombo Radyo Butuan, gipadayag ni de Jesus duna kini kalabutan sa pag-isyu ni Kapitan Basubas og unauthorized acknowledgment receipt sa mga nakolektang garbage fees.
-- ADVERTISEMENT --
