BUTUAN CITY – Mas gipalawman pa karon sa mga researchers ang pagtuon sa daan nang gigamit nga mga bakuna nga makatabang pagpakunhod sa risgo sa Alzheimer’s disease ug ubang klase sa dementia.
Lakip niini ang influenza vaccine, kansa base sa mi-aging mga pagtuon, nagpakita sa posibilidad nga makatabang kini pagpa-ubos sa risgo sa dementia sa usa ka tawo.
Migawas sa bag-ong pagtuon nga ang mga mas edaran nang hamtong nga nakadawat og high-dose influenza vaccine, mas ubos ang risgo nga makabaton og Alzheimer’s kumpara niadtong nakadawat og standard vaccine dose.
Samtang nagpadayon ang mga researchers pagpangita og bag-ong paagi nga makatabang pagpakunhod sa risgo sa tawo nga makabaton sa maong saklit, ang pipila nagsusi sa mga bakuna nga gigamit na aron pagpakunhod sa risgo sa ubang sakit.
