BUTUAN CITY – Mukabat sa 236-mil pesos nga kantidad sa balor 20-gramos nga shabu ang shabu ang nakumpiska sa mga sakop sa Butuan City Police Office (BCPO) sa gilusad nga buy-bust operation sa Purok 4, Barangay Holy Redeemer pasado alas-4:30 kagahapon sa hapon.
Nakuha kini gikan sa posisyon ni Roger Cuaresma Omandam, 42-anyos, residente sa Purok 6, Barangay Baan KM3, usa ka building maintenance personnel sa All Homes Butuan ug gi-ilang bag-ong drug pusher/user.
Sa gilusad nga on-site physical inventory sa mga narekober nga ebidensya, nakuha gikan sa suspek ang usa ka selyadong sachet sa transparent plastic sachet nga mao ang buy-bust item nga gibana-banang mitimbang og 5-gramos ug gitu-uhang nagkantidad og 59-mil pesos.
Laing tulo ka sachets sa susamang epektos nga mitimbang og 15-gramos ug gibana-banang nagkantidad og 177-mil pesos, 20-mil pesos nga marked money, usa ka keypad nga cell phone, usa ka Honda XRM F1125 red-white nga motorsiklong hinuwaman lamang matud pa sa suspek ingon man 132-pesos nga cash sa managlahing denominasyon.
