BUTUAN CITY – Mu-abot sa kinatibuk-ang 2,439 ka mga Caraganons nga Local Stranded Individuals kon LSIs ang nangabot sa pantalan sa Nasipit, Agusan del Norte kagahapon sa hapon.
Kini human sila gi-facilitate sa Philippine Economic Zone Authority kon PEZA pagpanguna ni PEZA Director General Charito ‘Ching’ Plaza uban sa mga hingtundang mga locator companies.
Gisugat sila sa gikomisyon nga mga sakyanan sa ilang tagsa-tagsa ka mga Local Government Units ning rehiyon.
Madumdumang ang mga nagabot nga LSIs natanggong sa kaulohan og pila ka bulan tungod sa gipatumang community quarantine ingon man ang moratorium nga gipakanaog sa Caraga Regional Task Force on COvid-19 One Caraga Shield.
Nasayrang dunay pa’y laing 1,500 ka mga LSIs ang naghulat sa ilang turno ug naglaum nga hingpit nang makapauli pinaagi sa Balik Probinsya ug Hatid Tulong programs sa nasudnong kagamhanan.
