Kanhi SB member sa Sison, SDN, dakpan sa kasong rape

BUTUAN CITY – Tingkagol na karol sa karsel ang kanhi Sangguniang Bayan member sa lungsod sa Sison, Surigao del Norte, kinsa nalutsan og warrant of arrest sa kasong pagpanglugos human ang malampusong manhunt operation sa Surigao City kagahapon.

Nadakpan si Henry M Roweras, 48-anyos, residente sa Purok 6, Teachers Village, Brgy. Cagniog, Surigao City pasado alas-9:15 sa buntag sa Purok 4, Brgy. San Juan, Surigao City kinsa nalista isip top most wanted person sa listahan sa Surigao del Norte Police Provincial Office.

Gi-abusuhan matud pa sa suspek ang 20-anyos nga staff nidtong Pebrero 10, 2016, sulod mismo sa iyang pinuy-anan sa Brgy. Ipil, Surigao City.