BUTUAN CITY – Nag-atubang sa kasong syndicated large scale estafa ang kanhi bise mayor sa Nasipit Agusan del Norte nga nasikop sa kapulisan ning nakalabay’ng gabie.
Sa eksklusibong pakighinabi sa Bombo Radyo Butuan kang P/Maj. Edgar Allan Serquiña Hepe sa Nasipit MPS gikabutyag sa opisyal nga pasado alas 9 ning nakalabay’ng gabie dihang giserve sa Nasipit PNP ang alias warrant sa mismong panimalay ni kanhi Nasipit Vice Mayor Ronald ‘Posoy’ Timogan residente sa Brgy. 3 Nasipit, Agusan del Norte.
Giklaro sa opisyal nga no bailbond recommended ang kasong estafa nga gipasaka sa mga biktima sa kanhi gioperate nga Forex investment scam sa suspetsado.
Sumala kang P/Maj. Serquiña, Setyembre 26 dihang nigawas ang warrant ni Timogan nga gilayon nilang giserve tungod daan na matod pa kini nga nagtago-tago dinhi sa dakbayan.
Sa karon kasamtangang anaa sa usa ka pribadong hospital ning dakbayan ang kanhi bise mayor human nga nisaka ang blood pressure niini dihang giserbe ang warrant sa kapulisan.
Alayon niini gihulat nalang sa Nasipit PNP nga mahimong stable ang panglawas sa suspetsado aron madala na kini balik sa Nasipit alang sa ikatakdang pagturn over niini sa Agusan del Norte Provincial Jail.
