BUTUAN CITY – Target karon sa sepak takraw Philippine national team nga madepensahan ang kampyunato sa men’s hoop nga ilang nakab-ot atol sa 2019 Southeast Asian kon SEA Games .
Sa eksklusibong pakighinabi sa Bombo Radyo Butuan, gipadayag ni sepak takraw national athlete Elly Jan Nituda nga tulo ka kategoriya ang ilang apilan lakip na niini ang men’s double, men’s team double ug hoop takraw diin sila nakahakot og medalyang bulawan ning nakalabay nga 2019 SEA Games.
Nasaryang ning mi-aging adlaw lang sila nangabot dinhi sa nasud gikan sa halos usa ka buwan nilang training sa Thailand nga gisugdan niadtong Marso 31 ug natapos sa Abril 29.
Gipasabot niining gipili nila ang Thailand isip training camp tungod kay ang maong nasud man ang power house sa maong sporting event.
Kusog matud pa sa maong sporting event ang Thailand apan tungod kay wala kini ma-apil sa ilang bracket o kategoriya rason nga kaya ra nilang awayon ang Malaysia ug Indonesia.
Mu-relax una sila og pila ka mga adlaw dinhi sa nasud adiser mubiyahe padulong sa Cambodia sa Mayo 6 aron maka-apas sa ilang event competition sa Mayo 10 hangtud 17.
