BUTUAN CITY – Nagtuo ang House of Representatives nga duna’y probable cause aron ma-impeach si Vice President Sara Duterte tungod sa sayop nga paggamit sa iyang confidential funds, base na usab sa latest findings sa Commission on Audit ug sa National Bureau of Investigation.
Sigon nila House Justice Committee chairman Rep Gerville Luistro ug mga mebrong sila Rep. Terry Ridon ug Joel Chua, gipalig-on sa maong findings ang alegasyon kalabot sa sayop nga paggamit sa pundo.
Kini ilabina dihang gipadayag sa NBI ang susamang stroke sa agi o pirma sa pipila ka mga resibo apil na ang pamahayag sa Philippine Statistics Authority nga wala sila’y record sa mga pangalang Mary Grace Piattos, ug uban pa nga maoy gitumbok nga midawat og pundo.
Sigon sa mga magbabalaud, bisan og dili i-apil ang testimoniya ni Ramil Madriaga, igo na nga ebidensya ang mga dokumento sa nasangpit nga mga ahensya sa gobyerno kansa mao;y makapalig-on matud pa sa probable cause sa impeachment case sa besi presidente.
Ang maong mga alegasyon, hugtanong gipanghimakak sa kampo sa besi presidente dungan sa pagbutyag nga ang bahid sa pulitika ang nagtukmod aron ipamugos ang maong mga alegasyon.
Apan alang kang Ridon, klaro matud pa sa dagan sa pagdungog nga lisod nang ipangulipas ang akusasyon batuk sa besi presidente.
