BUTUAN CITY – Sa katapusan, nakasulod ra alang sa iyang gikahinamang NBA Summer League debut kaganina si Pinoy cager Kai Sotto atol sa dula sa Orlando Magic batuk sa Portland Trail Blazers nga gipahigayon sa Thomas & Mack Center sa Las Vegas.
Human na-bench sa unang tulo ka mga dula sa Magic nga gikadismaya sa mga Filipino basketball fans nga naghulat usab sa 7-foot-3 prospect aron makita ang iyang aksyon, nagpakita’g gilas gilayon si Sotto sa iyang playing time sa 88-71 nga kapildihan sa Magic ngadto sa Trail Blazers.
Nakasulod si Sotto sa pagsugod sa second quarter, diin nakatala siya og duha ka mga rebounds, naka-blocked og usa ka shot ug na-miss ang usa ka one field goal attempt sa 5 minutos ug 37 segundos sa iyang aksyon.
Sa kinatibuk-an, nakatala ang Filipino big man og 6-puntos — sa 3-of-7 shooting — 4 ka rebounds, tulo ka blocks ug usa ka assist sa 13-minutos ug 23-segundos sa playtime.
