BUTUAN CITY- Sa pagsaulog sa anibersaryo sa kagawasan sa Pilipinas o Independence Day kagahapong adlawa Hunyo 12, gipasiugda ni Florante More usa ka historian nga ang kagawasan nga naangkon sa nasod gikan sa mga langyaw niadtong 1898 nagpabiling bililhon ug mahinungdanong bahin sa identidad sa matag Pilipino.
Sumala niini, ang kagawasan dili masukod ug ingon man dili mabayran sa bisan unsang bahandi tungod kini maoy naghatag og dignidad, kalipay, ug tinuod nga pagpasabot sa atong pagkatao. Gihagit usab niini ang katawhan nga padayong ampingan ug hatagan og dakong pagtagad ang kagawasan isip usa ka katungod ug pag-ampo, diin sigon pa niini nga kini gihatag sa Diyos aron ang matag tawo makapuyo nga gawasnon ug adunay pagtahod sa iyang kaugalingong katungod ug pagkatawo.
