Kabanay sa 11-anyos nga batang naghunos sa iyang kinabuhi, shock pa sa hitabo

BUTUAN CITY – Igo na lang sa paghinuktok ug dili makatuo ang pamilya sa usa ka 11-anyos nga batang lalaki human kini napalgan sa iyang  kabanay nga nagbitay na luyo sa ilang  balay ug wala na’y kinabuhi.

Migawas sa inisyal nga imbestigasyon  sa kapulisan nga ang biktimang gitago lang sa pangalang Ondo, residente sa District 2, Brgy. Camagong, Nasipit, Agusan del Norte, nangayo matud pa og bisan gatas na lang nga iyang isud-an sa sa panihapon human wala maka-angay sa ilang sud-an apan wala kini panumbalinga.

Dihang wala na nila  kini makita pa pasado alas-dies sa gabii, ila na kining gipangita ug didto na kini napalgang nagbitay na rason nga daling gidala sa ospital  apan nakabsan gihapon sa iyang hinulamang kinabuhi.