BUTUAN CITY – Hangtud sa pagkutlo niini nga balita, wala pa ma-otopsiya ang patay’ng lawas sa 22-anyos nga si Elvis Bersabal, residente sa Brgy. San Vicente ning siyudad tungod sa kawala’y available nga doktor sa Scene of the Crime Operatives kon SOCO.
Sigon sa kabanay sa biktimang si Vanessa sa eksklusibong pakighinabi sa Bombo Radyo Butuan, blangko pa gihapon sila kung kinsa ang mihimo niini ngadto sa biktimang si alyas Aga tungod kay wala sila’y nabantayang duna kini kaaway o kaha nakadawat ba og hulga sa kinabuhi.
Niadto matud pang Agusto 7 pila ka oras adiser kini na-missing, wala’y na-obserbahan sa biktima nga senyales nga mulakaw kini tugod kay naka-jogging pants lang kini. Hinuon, duna’y nakakita niining busy kini og tawag-tawag tungod kay plano unta niining mukuha og cell phone apan iyang gisibog rasong duna matud pa kini kasabot.
Duna usa’y nakakita sa biktimang naghulat sa Uni V gas station.
Dugang pa ni Vanessa, wala’y laing kabisihan si Aga kundi mao lang ang online sabong apil na ang mga magpa-load ingon man ang mga mangutang ug mubayad kaniya.
Bisan matud pa og kanunay nga mulakaw ang biktima apan mu-contact usab kini kanunay kanila sukwahi niadtong na-missing kini og pila ka adlaw nga naghatag kanila daan og tumang kabalaka.
Blangko usab sila kung pila’y sulod sa pitakang dala sa biktima nga kasagaran masudlan matud pa og tag-30 mil pesos apan usahay mu-abot og 80-mil pesos kung kini makasukot sa mga nangutang kaniya.
