BUTUAN CITY – Nagpabilin gihapong init nga hisgutanan sa United Kingdom ang alegasyon ni Meghan Markle kabahin sa pagka-racist matud pa sa Royal family.
Kini subay na sa wala matud pa pag-ila sa royal family sa anak nila ni Prince Harry tungod sa lahing color sa panit niini .
Sa eksklusibong interview sa Bombo Radyo Butuan, gibutyag sa Pinay Globetrotter TV presenter nga si Melissa Grace Dizon kinsa atua na nagpuyo sa Folkestone, Kent sa United Kingdom, mayorya sa katawhan sa maong nasud ilabina kadtong mga supporters sa palasyo ang wala nalipay sa alegasyon ni Meghan sa interview kaniya ni Oprah Winfrey, ug sa iyang lantaw, daghan ang mituo sa gibulgar sa Duchess of Sussex.
Aminado usab kining shock ang journalism industry sa United Kingdom sa rebelasyon ni Meghan rason nga duna’y ubang mga ka-ubanan niya sa industriya ang nang-resign human nga nasuko ang ilang mga boss sa pagpublisar nila sa mga artikulong duna’y kalabutan sa expose sa Duchess sa Sussex.
Ang pangutana matud pa sa kadaghanang mga Britons kung unsa ang intensyon ni Meghan sa iyang pagpa-interview kang Ophra kinsa sama kaniya mixed race usab.
Nagpagawas na og reaksyon ang Buckingham Palace sa pagbulgar nila Duke ug Duchess of Sussex nga maghatag og kabalaka ang mga nahimong rebelasyon ni Meghan Markle rasong ila kining hisgutan sa pribadong pamaagi aron hatagan og pagtagad ang nasangpit nga mga alegasyon.
Alayon niini gidepensahan ni Prince William ang British royal family sa alegasyon sa igsuon nga si Prince Harry ug asawang Meghan nga sila racist.
Ang nasangpit usab nga interview ni Oprah Winfrey sa mag-tiayon, nalantawan sa halos 12 milyones ka mga katao.
