BUTUAN CITY – Gitubag na sa tigpamaba sa Khatam Al-Anbiya central headquarters sa Iran nga si Lieutenant Colonel Ebrahim Zolfaghari, ang pinaka-ulahing gipasi-atab ni United States President Donald Trump kalabot sa negosasyon.
Gikwestyon niini ang US president kung ang ang level ba sa internal conflicts sa Amerika, mi-abot na sa estado nga nakigosyar na lang kini sa ilang kaugalingon.
Dugang birada pa ni Zolfaghari, dili angayang tawgon matud pa ni Trump ang iyang kapakyas nga usa ka kasabutan dungan sa pagklaro nga wala na’y balikay sa kanhi presyo sa lana hangtud nga dili matuman ang ilang gusto.
Mao matud pa kini ang mahitabo hangtud nga hingpit nang mawala sa hugaw nga mga huna-huna ang paghimo og aksyon batuk sa ilang nasud.
Gibarugan pa niini nga ang una ug katapusang mga pulong gikan sa unang adlaw sa pag-atake kanila, mao nga wala’y sama kanila nga makig-alayon sa mga nasud sama sa Amerika, karon o bisan kanus-a.
Madumdumang subling gibutyag ni Trump nga nagpadayon matud pa ang negosasyon tali sa Iran human giklaro sa Tehran nga ang m aong mga claims, pulos “fake news”.
Gani nagpadayon matud pa ang US ug Israeli attacks sa ilang nasud nga mikalas og dili mu-ubos sa 12 ka mga tawo ug mi-angol sa laing 28 sa usa ka raid sa southern Tehran.
