BUTUAN CITY – Gianunsiyo ni DILG Secretary Jonvic Remulla nga migawas na ang red notice gikan sa Interpol batuk sa negosyanteng si Atong Ang.
Sigon ni Remulla nga nasigpatan si Ang sa Regiona-4A duha ka semana na ang milabay.
Ang red notice usa ka hangyu sa Interpol nga mamahimong pangetaon ug temporaryong arestuhon ang usa ka tawo samtang nag-ong-ong ang extradition, pagsurender o susamang legal nga aksyon.
Sumala pa ni Remulla nga nagbalhin-balhin matud pa og tagoanan si Ang aron makalikaw sa pag-aresto kaniya may kalabutan sa kaso sa missing sabungeros.
Kini human nasigpatan si Atong Ang sa Calabarzon.
Gi-angkon ni Remulla nga ang taho nga nakita si Ang sa Vietnam dili usab kini beripikado og walay klarong intelligence information.
Hangtud sa karun, wala pay rekord nga migawas sa Pilipinas si Ang nga dunay warrant mahitungod sa kasong kidnapping with homicide ug kidnapping ug serious illegal detention may kalambigitan sa missing sabungeros.
Una nang gilimod ni Atong Ang ang nasangpit nga mga kaso.
Si Ang dunay 20 milyones pesos nga patong sa ulo alang sa iyang pagkasikop.
