BUTUAN CITY – Posibleng musaka hangtod sa 8-porsyento ang inflation rate sa nasud sa ika-upat nga quarter ning tuiga kung magpadayon ang tensyon sa Middle East hangtod sa katapusan sa Hunyo o Hulyo.
Sigon sa ekonomistang si Aris Dacanay, kung magdugay ang gubot, mahimong makaapekto kini sa Strait of Hormuz, usa ka importante nga agi-anan sa pangkalibutanong patigayon alang sa lana ug fertilizer.
Gibana-bana sa ekonomista nga mahimong mu-abot sa 6.3 porsyento ang average inflation sa tibuok tuig ubos sa ilang negatibong scenario, nga mas taas kaayo kumpara sa target sa gobyerno nga dos hangtod 4-porsyento.
Alang sa tuig 2027, gilauman nga mahimong 4.5 porsyento ang inflation.
Ang pagsaka sa presyo sa fertilizer mahimong hulga sa suplay sa pagkaon, ilabina kay nisaka na og doble ang presyo sa urea.
