BUTUAN CITY – Magpatuman og national lockdown sugod karong Disyembre 24 ang Indonesia tungod sa padayong pagsaka sa mga kaso sa COVID-19 ug sa hulgang hatud sa Omicron variant.
Sa eksklusibong pakighinabi kang Bombo international correspondent Pastor Jerson Labadia direkta gikan sa East Java sa Indonesia, gipadayag niini nga gituyo kini aron malikayan ang panagtapok tungod sa pagsa-ulog sa Pasko.
Nadesisyunan matud pa kini sa nasudnong kagamhanan human natala niadtong Pebrero atol sa pagsa-ulog sa Chinese New Year, ang COVID surge tungod sa kagahi-an og ulo sa mga tawo nga dilli na musunod sa minimum health protocols.
Dugang ni Pastor Labadia, gisundan pa kini atol sa Islam holidays niadtong mga buwan sa Hunyo, Hulyo ug Agusto diin libre nga maglihok-lihok ang mga tawo hinungdan sa ikaduhang surge.
Atol sa lockdown, istrikto matud pang isira ang tanang mga airports, sea ports, toll gates ug express ways.
