BUTUAN CITY – Gipahayag ni Senador Erwin Tulfo nga target nga magsugod sa Hulyo 6 ang impeachment trial ni Vice President Sara Duterte human matud pa kini nahisgutan sa caucus sa mga senador.
Sigon ni Tulfo, giprisinta na ni Senate President Alan Peter Cayetano ang sugyot nga iskedyul diin mohimo una og regular session ang Senado sa buntag adiser ipadayon ang impeachment proceedings matag hapon gikan sa Lunes hangtud sa Miyerkules.
Samtang supak usab si Tulfo sa sugyot ni Senador Rodante Marcoleta nga tugutang makaboto si Senador Ronald “Bato” Dela Rosa sa impeachment proceedings bisan og dili kini pisikal nga makatambong. Pamugos pa niini nga kinahanglang personal nga present ang usa ka senador aron moapil sa proseso.
Mahinumdumang kasamtangang nag-atubang si Dela Rosa sa hisgutanan may kalabutan sa ICC arrest warrant human usab gibasura sa Korte Suprema ang iyang hangyu nga Temporary Restraining Order (TRO).
Sumala ni Tulfo, gipaabot pa sa mga senador ang mahimong direksyon sa Senate leadership mahitungod sa maong hisgutanan.
