BUTUAN CITY – Plano sa lokal nga kagamhanan nga himuong honorary Butuanon ang Ilonggong si Balangay Voyage leader Art Valdez.
Kini ang gisugyot ni Butuan City Mayor Ronnie Vicente Lagnada ngadto sa Sangguniang Panlungsod isip pag-ila sa pagpanghingusog niining buhion ang gatusan ka tuig nang nahanaw nga paglawig sa mga bangalay boats human gidili sa mga sumasakop nga Espanya.
Gidayeg sa mayor ang pag-promote ni Valdez sa nasangpit nga mga bangka taliwa nga kini taga-Iloilo City.
Gidugang sa mayor, dili malabwan ang paningkamot sa grupo ni Valdez nga mariyalisar ug mahimo ang balangay boat jansa pila ka tuig nilang gihimo.
Kini nga paningkamot angayan matud pang ilhon og saluduhan sa mga Butuanons tungod kay pinaagi sa gihimo nila Valdez, dili makita nga personal sa tanan kung unsa ang dagway sa maong bangka.
Alayon niini, misaad si Mayor Lagnada nga suportahan ang kawsa nila Valdez alang sa balangay boats.
Iya usab nga gihangyo si Valdez nga muhimo og usa niini alang sa Butuan kondiin ang galastuhan abagahon sa lokal nga kagamhanan uban sa pag-abag sa pribadong sektor.
Kini isip pagdugang sa mga angayang buhaton sa mga artifacts ning siyudad sama sa golden tara sa ingon mas ma-ila kini sa mga Butuanons ug ma-promote pa nga makatabang pag-ila pa og dugang sa Butuan.
Kini ilabina nga ang National Historical Association of the Philippines nakig-tap na sa city government aron butangan ang siyudad og kaugalingong National Museum.
