BUTUAN CITY- Ming-abot na sa 78 ka-tao ang ihap sa mga namatay nunot sa pag-igo sa Magnitude 7.8 nga linog sa mindanao, base sa datos sa National Disaster Risk Reduction and Management Council kon NDRRMC
Ang maong report gipagawas kagahapong adlawa, June 18, 2026, 10 ka adlaw human mahitabo ang makalilisang nga pagtay-og.
Sumala sa NDRRMC, kadaghanan sa mga nataho nga namatay gikan sa SOCCSKSARGEN region samtang 21 ang gikan sa Davao region.
Labing-minus 1,339 ang gikatahong na-angol samtang 30 ka-tao usab ang padayon nga gipangita.
Kapin 18,000 ka indibidwal sa kasamtangan ang nagpabilin sa evacuation centers gikan sa labing-minus 1.4 milyon ka apektado sa linog.
Ang mga niini gikan sa Zamboanga Region, Davao, SOCCSKSARGEN ug BARMM.
Giklaro usab sa NDRRMC nga ang mga gikatahong namatay kinahanglan pang mo-agi sa validation sa Management of the Dead and Missing, usa ka opisina nga gidumala sa Department of the Interior and Local Government kon DILG.
