BUTUAN CITY – Ubay-ubay nga mga paagi ang gihimo sa Butuan City Jail ubos sa Jail Decongestion Program ang gipatuman aron makunhuran ang ihap sa mga persons deprived of liberty kon PDLs.
Sa eksklusibong pakighinabi sa Bombo Radyo Butuan, gipadaya ni Jail Officer 1 kon JO1 Dianne Pauline Ramos, ang jail officer sa male dorm, kada-semana siyang naglusad og kada-semana nga dayalogo tali sa mga piniriso ilabina kadtong bag-o pa lang nakasulod sa ilang pasilidad.
Sa matag-dayalogo, iya matud pang hisgutan ang mode sa sayong pagbuhi sa mga PDLs, plea bargaining, probation ug uban pang mga paagi nga mahimo nilang ma-avail.
Apil sa iyang ginapahibalo ngadto kanila ang kalabot sa 20 ka adlaw kada-buwan nga Good Conduct Time Allowance kon GCTA ug ubang mga benepisyo ilabina kung mutibawas sila sa ilang pagtungha samtang anaa sa maong pasilidad.
Samtang gipadayag usab ni JO1 Alamm Acompañado, ang Community Relations Service Officer sa maong pasilidad nga tungod sa pagpatuman sa maong programa, mi-ubos ubos ang ihap sa mga PDLs kondiin mi-abot na kini karon sa 440 gikan sa 480 ning mi-aging tuig.
Ubay-ubay usab nga mga programa ang ilang gihimo alang sa nasangpit nga mga inmates nga ilang magamit kung sila makagawas na ilabina kung maka-avail sila sa GTCA.
