BUTUAN CITY – Nakatala ang Office of the Civil Defense kon OCD-Caraga og kapin sa ₱1.7-M nga damyos sa imprastraktura human gitay-og sa kusog nga linog ang rehiyon kagahapon sa buntag.
Base sa gipagawas nga updated report sa Caraga Regional Disaster Risk Reduction and Management Council kon RDRRMC, wala pa sila’y nadawat nga report kalabot sa kadaut nga hatud sa maong kalamidad diha sa sektor sa agrikultura ug sa ubang mga kabtangan.
Mi-abot usab sa 61 ka kabalayan ang nadamyos kondiin usa lang ang totally damaged samtang wala’y natalang necklaces apan duna’y 24 nga natalang angol.
Mi-abot usab sa 21 ka mga evacuation centers ang na-activate nga maoy gisak-an sa 1,378 ka mga pamilya kon bugti sa 6,078 ka mga indibidwal.
Alayon niini, wala una pabaliki o pa-ukupahi og balik sa Caraga-RDRRMC, ang mga dakbalay nga duna’y liki.
Sigon ni Fire Sr. Insp Cypol Jay Inocente, ang hepe sa Public Information Office sa Bureau of Fire Protection kon BFP-Caraga, kinahanglang sundon kini sa mga tag-iya ug mga tenants sa mga concerned establishments aron masiguro ang kaluwasan sa tanan.
Sa eksklusibong pakighinabi sa Bombo Radyo, mi-apela usab ang opisyal sa publiko na likayan una ang pagsuroy-suroy hangtud na dili pa cleared nga luwas ang ilang sudlang establisamiento.
