BUTUAN CITY – Naka-abot na sa Cuba ang usa ka shipment sa humanitarian aid nga gipadala sa Mexico ug Uruguay aron mahatag nga ayuda sa island nation nga nag-atubang og grabeng energy ug economic crisis tungod sa gipahugtang economic, trade ug financial embargo sa Estados Unidos.
Midunggo ang merchant vessel nga Asian Katra sa Havana Port nga duna’y kargang mga powdered milk, bugas, beans ug ubang mga basic necessities.
Ang Panama-flagged ship, naghatud og kapin 1,600 ka toneladang of humanitarian assistance.
Ang kontribusyon sa Mexico naglakip sa mga pagkaon ug mga hygiene products, samtang ang sa Uruguay, gilangkuban sa mga staple food items.
Sigon ni Cuban Deputy Prime Minister ug Foreign Trade Minister Óscar Pérez-Oliva Fraga, ipang-apod apod ang maong ayuda direkta ngadto sa labing nanginahanglan ilabina sa kabataan, katigulangan ug mga vulnerable populations.
