BUTUAN CITY – Maayong pagkabagnod sa usa ka Highway Patrol Group kon HPG-13 member apil ang iyang motorsiklo human napasok ilalom sa usa ka 10-wheeler truck ug naguyod og pila ka metros hinungdan sa iyang kamatayon.
Naila ang biktimang si SPO2 Amado Alcantara kinsa mao matud pa’y mugukod sa mga dagkong sakyanang dili mu-agi sa weigh bridge.
Sigon sa driver nga si Vincent Villaceran, taga-Tagum City, pag-abot niya sa national highway sa Purok 6, Brgy. Ampayon ning siyudad sa Butuan kaganinang alas-11:45 sa sayong udto, nakita niya ang biktimang sakay sa motorsiklo nga mitabok sa lane nga iyang nahiimutangan dayong tuyok matud pa sa iyang sakyanan kansa wala niya makita tungod kay wala matud pa mupara kaniya ilabina nga ang gi-unhan niyang elf close van maoy iyang gibantayan.
Namatikdan na lang niyang dna na’y milagubo sa iyang sakyanan hangtud nga iya na lang nasayran nga mao na diay kadtong HPG member nga iyang nakita.
Wala matud pa siya mihapit sa timbangan ug milahos lang siya ug wala niya mabantaying misirbato o kaha mipara kaniya ang maong pulis.
Samtang gibutyag usab sa helper sa trak nga si Jaylord Arnelia nga bisan siya ulahi nang nakabantay sa maong hitabo.
Nasayrang nakuha lang ang biktima gikan sa ilawom nga bahin sa sakyanan human gigamitan og jack ang pagbira sa trak ug gipahiyusan usab ang ligid.
