BUTUAN CITY – Andam na ang onse ka mga membro sa House Prosecution Panel alang sa himuong impeachment trial batuk kang Vice President Sara Duterte human ang pag-convene kagahapon sa Senado isip impeachment court.
Sa ilang gipatawag nga press briefing kaganina, sigon ni lead prosecutor kinsa mao usab ang chairperson sa House Justice Committee Prosecutor Gerville Luistro, gidayeg niya ang kalambuan nga ilang nasaksihan kagahapon sa Senado isip impeachment court.
Gi-usa usa usab ni Rep Luistro ang mga assignments nga ilang gibahin-bahin uban sa magsilbing lider sa matag-usa sa upat ka articles of impeachment sma sa artikulo alang sa threat ug distabilisasyon, pagpanuhol kon bribery, tinaguang bahandi kon unexplained wealth ug ang sayop nga paggamit matud pa sa confidential funds.
Gipahinumdom usab niini nga base sa Konstitusyon, ang nakalatid nga ‘forthwith’ dili lang alang sa pag-convene sa impeachment court kondili ang himuon nang pagtaral.
Samtang gipadayag usab ni Prosecutor Lorenz Defensor nga kampante silang ilang mapa-impeach si Vice President Sara Duterte tungod sa ilang gikuptang mga ebidensya nga gisugdan nila pagpanguha ning mi-agi pang tuig.
Kini ilabina nga duha ka higayon na silang nagpadayag sa ilang vote of no confidence ngadto sa besi presidente.
