-- ADVERTISEMENT --
BUTUAN CITY – Nagpasidaan ang mga nangunang medical society sa nasud sa midakong kaso sa obesity sa Pilipinas nga naghatag og seryosong hulga sa kahimsog sa kasing-kasing og kidney sa mga Pilipino.
Sumala sa Philippine College of Endocrinology, Diabetes and Metabolism (PCEDM), gibana-banang 39.8% sa mga hamtong nga Pilipino ang obese samtang 17.3% usab ang overweight, nga nagbutang kanila sa taas nga peligro sa nagkadaiyang sakit.
Tungod niini, naghiusa ang Philippine College of Endocrinology, Diabetes and Metabolism, Philippine Heart Association (PHA), Philippine Society of Nephrology (PSN), ug Philippine Association for the Study of Overweight and Obesity (PASOO) aron pahugtan ang kampanya batuk sa obesity ug malikayan ang dakong komplikasyon sa panglawas.
Gipasabot ni Elaine Cunanan nga dili lang simpleng lifestyle problem ang obesity kundi usa ka chronic disease nga dunay kalambigitan sa genetics, pagkaon ug kinaiyahan.
Ugaling mapasagdan ang obesity mamahimo kining moresulta sa diabetes, hypertension ug chronic kidney disease, nga lakip sa mga nag-unang hinungdan sa pagkamatay sa nasud.
