BUTUAN CITY – Nagpadayon karun ang jobsfair sa may Robinson’s mall ning siyudad sa Butuan isip kabahin sa pagsaulog sa Labors Day kon Adlaw sa mga Mamumu-o.
Sigon ni Atty. Jason Balais, regional director sa Department of Labor and Employment kon DOLE-Caraga nga kini ang nagsilbi nga highlight sa selebrasyon.
Muabot matud pa sa halos 10-mil ang bakanteng trabaho nga ihanyag sa jobsfair sa tibook rehiyon sa Caraga nga gisalmotan sa 77 ka kompanya og dinhe sa siyudad sa Butuan, gihimo ang jobsfair sa Robinsons mall diin kapin sa 6-mil ang bakanteng trabaho nga gihanyag sa 39 ka employers.
Lakip sa mga bakanteng trabaho matud pa ang mga driver sa transport sector, production worker og service crew. Molambigit usab niini ang Armed Forces of the Philippines alang sa gustong magsundalo.
Samtang karung umaabot nga Mayo 12, himoon usab sa buhatan ang High Visibility Inspection Program sa mga establishemento sa tibook rehiyon sa Caraga.
Sigon ni Atty. Balais nga na-andan na nila kini nga programa apan ila kining pakusgan aron maseguro nga ang mga balaod sa pagpanarbaho ma-implementar sa establishemento..
