BUTUAN CITY – Iligal pa ang operasyon sa mga Habal-habal nga mga sakyanan dinhi sa dakbayan sa Butuan ug sa tibook nasod mintras nga wala pay balaod nga nagmando sa paghatag og prangkisa niini.
Sa kasamtangan, anaa pa ilalum sa pagtuon sa Land Transportation Office kon LTO ang maong klase sa mga sakyanan, sumala ni Eldie David sa Butuan City Transportation ug Traffic Management kon CTTMD nga gi konsidera na sa mga mambabalaod ang maong klase sa transportasyon.
Dugang niini nga mamahimo rang legal ang mga habal-habal nga sakyanan ugaling ma-amend na sa mga mambabalaod ang Republic Act 4136 o ang Land Transportation and Traffic Code.
Hangyu niini sa Publiko, kinahanglan nga dili una e patronize ang maong mode of transport tungod kay wala silay makuha nga mga insurance ugaling dunay disgrasya nga mahitabo.
Sa kasamtangan, kinahanglan pa gayud nga tickitan ang si kinsa mang makita nga nagmaneho og habal-habal ilabi na dinhia sa syudad.
