BUTUAN CITY- Mingbuwelta si Senate President Alan Peter Cayetano sa hagit ni Sen. Raffy Tulfo nga magpakita sa sesyon sa Senado ug pamatud-an ang pagka “independence” ug dili pagka-talawan.
Sa usa ka Facebook Live, sigon ni Cayetano nga dili simpleng hisgutanan sa pagtambong sa sesyon ang isyu, gi-ihimplo pa niini ang mga mag-uuma nga mo-adtog bukid taliwa sa bagyo o usa ka sundalong gipahimo og “suicide mission.”
“Ang kaduwagan po ay nag-uugat ‘yan sa ano ba ang purpose at trabaho mo,” sumala ni Cayetano.
“So ‘yung hamon mo magpakita ako kung hindi duwag, para mo rin sinabi: ‘senator, ikaw maging independent ka kung hindi duwag ka,”
Gi-akusahan usab ni Cayetano ang kampo sa mag-igsuong senador Tulfo ug gi-ingong suod matud pa ang mga niini sa Malacañang.
“Eh kung hindi ka lang Tulfo at hindi Tulfo kapatid mong si Erwin, sinumbong ko na kayo kay Tulfo,” sumala ni Cayetano nga minghulagway sa programa ni Sen. Raffy.
Gisaway usab sa Senate President ang mga alegasyon nga kini matud ang angpaluyo sa pag-patay sa air conditioning ug internet sa Senado, kansa nagpahilayo pag-ayo sa matud pa sa tinuod nga isyu.
Samtang, gisiguro usab ni Cayetano nga dili mogamit og bisan unsang taktika ang majority batok sa minority senators ug gi-insistar niini nga magpatuman kini og patas nga liderato sa Senado.
Bisan paman, sigon sa Senate President nga ang mga kasamtangang isyu gipadako lang matud pa sa minorya ug nahimong personal ang hisgutanan, inay pormal nga parliamentary matters lamang.
Nagsugod ang tensyon human ang sunod-sunod nga pag-postpone sa plenary sessions tungod sa wala pagtambong sa majority bloc, nga nagresulta sa pagkalangay sa pipila ka sugyot balaodnon.
Tungod niini, nanawagan ang minority bloc sa pagkanaog ni Cayetano, tungod sa daw “abandonment of responsibility” ug paglapas na usab matud pa sa mga rules sa Senado.
