BUTUAN CITY- Nagpahayag si Ukrainian President Volodymyr Zelenskyy nga padayon kining mapugos sa paghangyo sa Estados Unidos nga magpadala og dugang nga Patriot air defense missiles aron mapugngan ang grabe nga ballistic missile attacks sa Russia.
Gani, gibutyag usab niini nga wala pa kini makadawat og tubag sa iyang sulat nga gipadala kang U.S. President Donald Trump ug sa Kongreso niining semanaha, samtang mipasidaan kini nga nagkuwang na ang suplay tungod sa diversion sa Iran war. Atol sa iyang pagbisita sa Sweden, gipahibalo usab ni Zelenskyy ang plano sa Ukraine nga mopalit og 20 ka bag-ong Gripen fighter jets gikan sa Sweden nga nagkantidad og 2.5 bilyon euro ug dugang pa nga 16 ka old modelo nga idonar sa Sweden.
Ang maong eroplano gilauman nga makatabang sa pagpugong sa mga Russian aircraft nga naglunsad og glide bombs. Sa kasamtangan, nagpabilin nga nag-operate ang mga diplomatic missions sa Kyiv bisan pa sa hulga sa “systemic strikes” sa Russia, samtang ang drone warfare sa Ukraine nagpadayon sa pagpugong sa mas dagkong pwersa militar sa Moscow.
