BUTUAN CITY- Natapos na sa Forensic Group sa Philippine National Police (PNP) ang imbestigasyon sa pagpamusil sa Senado niadtong Mayo 13, ug nasumite na ang ilang mga nadiskobrehan sa PNP-Criminal Investigation and Detection Group kon PNP-CIDG.
Sumala ni PNP Forensic Group Director Col. Pierre Paul Carpio, na-konek ang tanang angle nga kinahanglang mokonek sa lugar sa krimen ingon man ang matching sa nagkanda-iyang ebidensiya.
Gipakita usab sa opisyal ang 3D scanning nga gihomo sa insidente ug ang trajectory o direksyon sa mga bala sa hallway. Base niini, ang tanang inig-an sa bala naggikan sa mga gunshot nga natala sulod mismo sa building.
Sa pagsusi sa crime scene, minggamit ang grupo og “blue box” aron mapakita ang kinatibuk-ang panghitabo sa krimen ug kung gi-unsa paghimo ang Scene of the Crime Operations o SOCO.
Una nang gipagawas sa CIDG ang usa ka CCTV footage nga nagpakitang si suspended Senate Sergeant-at-Arms Mao Aplasca ang unang nagpabuto og pusil, nga nahimong hinungdan aron mobalos pagpabuto ang mga personnel sa National Bureau of Investigation (NBI).
Pila ka oras adiser nahuman ang kagubot, minglakaw sa premises sa Senado si Senador Ronald “Bato” dela Rosa, kung asa temporary kining nagpakustodiya taliwa sa gi-atubang niining arrest warrant gikan sa International Criminal Court (ICC).
