BUTUAN CITY – Gibulgar ni Senate President Alan Peter Cayetano nga gi-bargain sa karon, minority bloc ang kaso ni Senador Jinggoy Estrada sukad pa niadtong Pebrero ning tuiga aron lang musunod sa ilang grupo.
Gibulgar kini sa Senate President usa ka adlaw human gidakop sa mga sakop sa Criminal Investigation and Detection Group kon CIDG si Senador Jinggoy dayong pasabot nga tumong sa iyang video statement aron mabulgar ang kamatu-uran, sa ingon mahimong gawasnon ang tanang nalambigit niini.
Sigon ni SP Cayetano, panahon lang ang gipa-abot ni Estrada aron ibulgar ngadto sa publiko ang iyang mga ebidensya dungan sa pagbutyag nga bisan siya nakadungog usab sa pipila lang sa ilang mga istorya.
Gibulgar usab sa Senate President nga ang pag-walkout sa minority dihang gisugyot ang pag-amenda sa Senate rules aron pagtugot sa online kon virtual conferencing, aron dili makabotar ang ilang ka-ubanan sa majority ug mabalik sa grupo sa minoriya ang mayoriya.
Misaad ang Senate President nga serbisyuhan ang katawhan sa bag-ong majority bloc ug gipasalig nga bisan unsa pa ang buhaton sa outside forces bisan pa ang administrasyon o ang minority solid 11, anaa gihapon silang 13 o kaha 12 sa mayoriya.
Pursigido matud pa sila sa majority bloc nga ipakita sa katawhan ang ilang lihok apan sa nakalabay’ng tulo ka semana, wala’y laing gihimo ang supak sa bag-ong independent majority kondili ang paghadlok kanila, paghanyag kanila og bisan unsa aron lang mubalhin sa minority.
Andam matud pa nilang barugan ang independent majority nga maoy gusto karon sa katawhang Filipino bisan og inter-dependent ang Senado sa executive ug judiciary apan kini wala magpasabot nga himuon na lang nga puppet sa executive ang legislative o kaya judiciary.
