BUTUAN CITY – Nagkataas ang level sa dula ni Althea Biong Gudes, ang grade 6 pupil sa Banza Elementary School sa Barangay Banza ning siyudad sa Butuan, kansa nakakuha ug Gold medal sa Table Tennis single ug silver medalist usab sa double sa Palarong Pambansa 2017.
Kini ang paghulagway ni Sir Victor Pandawatnon, teacher-advicer ni Gudes, sa pakighinabi ning sibyahan.
Sigon ni Pandawatnon, nakasalmot na sa mga dagkong dula si Althea ug tataw matud pa ang nagkataas nga lebel sa iyang performance.
Tungod matud pa kini sa suporta sa iyang amahan nga usa ka Barangay Kagawad diin palitan kini siya ug gamit nga pang-international na.
Gawas matud pa kini sa iyang pangandoy nga makadula sa internasyunal nga mga event sama nalang sa Sea Games ug Olympics diin lakip sa iyang gihimong idolo si Ian Larriba nga naka-apil sa Olympics.
Nagtoo usab si Pandawatnon nga mas taas pa ang makab-ot ni Althea sa natad sa Table Tennis kung mabansay kini sa dagkong eskwelahan diin sa pagkakarun, duna nay mga unibersidad sa kauluhan nga nag-scout kaniya.
