BUTUAN CITY – Nakatigom ang gobyerno nakatigom og rekord nga kapin sa 22-bilyones pesos gikan sa taripa ug buhis sa imported nga karne sa miaging tuig, tungod sa mas dako nga volume samtang nagpadayon ang pagsalig sa nasud sa imported nga suplay aron matubag ang nagkadako nga panginahanglan sa animal protein.
Base sa taho sa Congressional Policy and Budget Research Department sa House of Representatives, gikalkula ang kita sa gobyerno gikan sa taripa ug value-added tax (VAT) sa pag-import og karne gikan 2023 hangtod 2025 gamit ang datos sa Bureau of Customs (BOC).
Sa miaging tuig, nakaabot og P22.45 bilyones ang kita sa gobyerno gikan sa imported nga meat products, misaka og 30 porsyento gikan sa P17.3 bilyones nga nakolekta niadtong 2024.
Kadaghanan sa imported nga karne libre sa VAT tungod kay kini giisip nga agricultural commodities.
Ang ubang meat imports nga sakop sa 12 porsyento nga VAT mao ang mga marinated, seasoned, cured o canned nga mga produktong karne.
Ang mga taripa sa imported nga karne nagrange gikan 5 hangtod 40 porsyento, depende sa klase ug classification niini.
Ang Brazil maoy nanguna nga gigikanan sa imported nga karne sa nasud, nga adunay mga 42.5 porsyento sa total supply o kapin 674,046 ka metric tons niadtong miaging tuig. Ang Brazil usab ang top exporter sa pork, chicken ug beef padulong sa Pilipinas niadtong 2025.
