BUTUAN CITY- Gisaway ni FPJ Bayanihan Party-list Representative Brian Poe ang mga ride-hailing service o Transport Network Vehicle Service (TNVS) providers human pakyas nga mayuman ang ilang unang mga saad nga kunhuran ang gikuha nila nga komisyon gikan sa mga partner-riders.
Sa natigayong LEAD Committee hearing kaganiha Miyerkules, gipasiugda ni Poe nga ang maong mga kompanya mismo ang boluntaryong mingsaad usbos sa pagpanupa nga kunhoran ang singil aron makatabang taliwa sa krisis sa lana.
Sumala sa rekord sa Kamara, mingsaad ang Angkas, Joyride, ug Move It nga konhuran ang ilang komisyon gikan sa 20 porsyento ngadto sa 15 porsyento, samtang ang Grab mingsaad nga himuon kining 18 porsyento gikan sa kanhi 20 porsyento, ug ang InDrive usab adunay 10 porsyento padulong sa usa ka porsyento lang.
Bisan paman, gipakita ni Poe ang mga screenshot ug ebidensya gikan sa mga riders kansa nagpamatuod nga nagpabilin gihapong 20 hangtud 23 porsyento ang gikaltas sa mga platform sa kita sa mga driver.
Gipa-ambit sa magbabalaod nga ming-ano og dul-an 2,000 ka komento ang ilang social media post gikan sa mga nangasuko nga riders nga nag-ingong dili tinuod ang gipangsaad nga bawas-komisyon.
Gipasiugda ni Poe nga bisan wala nangilabot ang gobyerno sa ilang mga presyo, ang maong saad gihimo sa mga kumpanya “alang sa katawhan” hinungdan nga kinahanglan matud pa kining tumanon..
Giklaro sa hearing nga ang bawas-komisyon dili aron ubsan ang pamsahe sa mga pasahero, kundi aron dugangan ang ma-uli nga kita sa mga drivers kansa direktang na-igo sa taas nga presyo sa gasolina.
Gihangyo ni Poe sa mga TNVS providers nga hatagan og klaro ug ipatuman gilayon ang ilang mga saad alang sa kaayohan sa ilang mga partner-rider.
