BUTUAN CITY- Gipanghimakak sa Malacañang ang mga alegasyon sa destabilisasyon ug gi-insistar nga humanon ni President Ferdinand R. Marcos Jr. ang taliwa sa mga minglutaw nga taho nga “assassination plot” batok niini.
Kini ang nahimong pamahayag ni Palace Press Officer Undersecretary Claire Castro human minggwas sa House impeachment hearing ang testimonya ni Ramil Madriaga.
Sumala ni Madriaga, giingong adunay mga diskusyon tali sa kampo ni kanhi Presidente Rodrigo Duterte ug pipila ka mga retiradong heneral alang sa usa ka plano nga kusganong tangtangon ang Presidente gikan sa katungdanan pag-abot sa 2025.
Giklaro ni Castro nga walay personal nga kahibalo ang Presidente o ang Palasyo sa mga gibolgar ni Madriaga ug sa kanhi Presidente.
Sigon ni Castro nga ang Presidente nangampanya sa katawhan, mingsaad nga magserbisyo sa katawhan ug mingsaad nga tapuson ang termino alang sa katawhan.
Gisihguro usab sa opsiyal nga bisan nakapuskos ang Presidente sa iyang trabaho, wala gibalewala sa gobyerno ang mga susamang seryoso nga hulga.
Suta-on matud pa sa panggamhanan ang tinbuok kamatuoran luyo sa maong mga alegasyon aron mamintinar ang seguridad sa Presidente ug ang kalig-on sa nasud.
