BUTUAN CITY- Ming-init pag-usab ang tensyon sa tali nila US President Donald Trump ug Pope Leo XIV human gibanatan pag-usab sa Presidente ang Santo Papa sa social media, kung saan gitawag niya kini “hyper-liberal partisan” ug gikwestyon ang kredibilidad niini isip lider sa Simbahang Katolika. Ming-ugat ang panagbangi sa magkasumpaki nila nga panan-aw kalabot sa kagubot nga gikalambigitan sa Estados Unidos ug Israel batok sa Iran, kansa temporaryong gihunong tungod sa usa ka ceasefire.
Gipa-ambit usa ni Trump ang gi-ingong mga karaang pamahayag sa Papa niadtong na-ila pa kini isip Robert Prevost, nga kritikal matud pa sa “America First” policy ug sa mga isyu sama sa immigration ug gun control. Bisan paman dili direktang mingtubag ang Santo Papa, una na niining gikondena ang kagubot isip “atrocious” ug “inhuman” ug padayon nga nanawagan og diyalogo ug respeto taliwa sa kalahi-an.
Samtang gi-insistar usab ni JD Vance nga kinahangalang magigmat ang Papa sa iyang mga pamahayag, samtang barogan ni Trump ang hulga sa Iran ug ang peligro sa nuclear weapons, dungan sa pagkahimong mas bukas nga Santo Papa bahin sa iyang posisyon samtang nagkaduol ang unang anibersaryo niini sa iyang Pagkalider.
