BUTUAN CITY- Nagkita sila si Executive Secretary Ralph Recto ug Chinese Ambassador Jinq Quan niadtong Martes, Abril 14, aron hisgutan ang kinatibuk-ang relasyon tali sa Pilipinas ug China.
Atol sa courtesy call, gihatagan og gibug-aton sa Ambassador ang pagpadayon sa mga diyalogo nga nagtumong sa pagpalig-on sa bilateral nga relasyon tali sa duha ka nasud. Nagpadayag usab si Amb. Jinq og paglaom nga daghan pay pagbisita nga matigayon karung tuiga aron maghatud og positibong senyales sa relasyon s Maynila ug Beijing.
Lakip sa mga gihisgutan sa meeting ang pagpakusog sa turismo, people-to-people exchanges, ug pagdugang og mga direktang flight tali sa mga lungsod sa Pilipinas ug Tsina. Gipasi-ugda usab ang kooperasyon sa pagbatok sa transnational crime, economic relation, ug ang kasamtangang sitwasyon sa enerhiya sa rehiyon.
Isip pagpangandam sa umalabot, nahisgutan usab ang Chairmanship sa Pilipinas sa ASEAN ug ang liderato usab sa Tsina sa APEC alang sa tuig 2026. Puros nagpadayag usab og suporta ang duha ka kampo alang sa kalamlamposan sa mga nasangpit nga pangitabo.
Kauban ni ES Recto sa meeting sila SDES Maria Luwalhati Dorotan Tiuseco, Usec. Facundo Palafox IV, ug Usec. Erwin Sta. Ana gikan sa Office of the Executive Secretary. Mingtambong usab sila DFA Usec. Maria Andrelita Austria ug Deputy Assistant Secretary Princess Tomas.
