BUTUAN CITY – Gitapos na sa France ang Poland sa iskor 3-1 sa ilang panag-agbat sa round of 16 sa FIFA World Cup sa Qatar.
Unang nakatala og goal sa panig sa France si Olivier Giroud usa ka minuto adiser matapos ang first half para makuha sa ranked number 4 nga France ang 1-0 nga labaw batuk sa ranked number 26 nga Poland sa dula nga gihimo sa Al Thumama Stadium.
Pagsulod sa second half wala na gipasagdan sa France ang pagdomina nila sa dula diin sulod sa 74 minuto napasulod ni Kylian Mbappe ang goal niini og pag-abot sa 90 minutos subling nakakuha si Mbappe og goal.
Naningkamot pa ang Poland nga maka-apas apan mitala lang sila og usa ka puntos pinaagi sa penalty kick ni Robert Lewandowski sa dugang siyam ka minuto sa 90 minutong regulations.
Tungod sa kadaugan sulod na sa quarterfinals ang France.
Mahinumdumang anaa sa unang puwesto sa Group D ang France diin unang gipildi nila ang Australia 4-1, nga gisundan sa kadaugan sa Denmark 2-1 og subling gipildi sila sa Tunisia sa iskor nga 0-1.
