BUTUAN CITY- Gipangulohan ni President Ferdinand Marcos Jr. ang meeting sa United Professional Leaders in Filipino Transformation kon UPLIFT Committee kagahapong adlawa aron tun-an ang mga rekomendasyon sa Development Budget Coordination Committee (DBCC) kalabot sa excise tax sa mga produktong petrolyo.
Tumong sa nasangpit nga rebyu nga makakita og mga dugang nga lakang nga maghatag og paspas nga relief ug makaga-an sa epekto sa nagpadayon nga pagsaka sa presyo sa lana sa mga Pilipinong komyuter, mamumuo, ug pamilya.
Lakip sa mga gihisgutan ang posibleng pagsuspinde o pagbawas sa buwis sa lana ug ug ang pagpalapad sa tabang pinansyal sa mga sektor nga pinaka-apektado sa krisis sa enerhiya.
Taliwala sa maong panagtapok wala pay gipagawas si President Ferdinand Marcos Jr. kung tanggalon o kuhaan niini ang excise tax sa mga produktong petrolyo o kung pila ang ikunhod niini. Sumala ni Presidential Communications Office Atty. Claire Castro, lauman nalang matud pa karung adlawa ang ipagawas nga palisiya sa Presidente kalabot sa excise tax ug energy issue.
