BUTUAN CITY- Gisupak sa mga environmental advocates ang giplanuhang international initiative nga “Pax Silica” nga pangunahan sa Estados Unidos nga nagtinguha sa paghimo og luwas ug lig‑on nga supply chain alang sa mga semiconductors ug artificial intelligence (AI).
Kini human nga ang Pilipinas nakasulod sa alliance niadtong Abril ning tuiga ug karon nagplano sa pagtukod og AI hub sa New Clark City, Tarlac nga pangunahan sa US Department of State.
Sigon sa environment advocate nga si Kit Campos, dili kini ang unang higayon ng amakabaton og ingon niini nga pasilidad sa kalibutan tungod kay duna na’y AI data centers sa kalibutan nga duna’y mga environmental concerns.
Sa eksklusibong pakighinabi ning sibyahan, gipadayag ni Campos nga ang matag-data center, mukunsumo og 24/7nga enerhiya rason nga dako ang posibilidad nga mudako ang kunsumo sa kuryente sa Luzon higayong mariyalisar na ang pagtukod niini sa Tarlac nga mao unya’y hinungdan sa matag-karon ug unya nga power interruption.
Gawas pa kini sa dakong bulto sa tubig nga kinahanglanon ron lang pabugnawon ang usa ka super computer sa data center nga maka-apekto sa libuang mga residente.
Mas gikabalaka ni Campos tungod kay dili lang AI hub ang planong tukuron sa Tarlac kondili apil na ang mga semiconductor manufacturings nga duna usa’y mga consequences sa palibot sama sa kadaut nga mahatud sa panglawas sa katawhan sa lugar nga duna’y minahan.
