BUTUAN CITY- Gipasi-ugda ni ACT Teachers Party-list Representative Antonio Tinio nga kinahanglang ipabilinang ihap nga 24 senators isip basehan sa impeachment trial ni Vice President Sara Duterte aron malikayan ang mga legal nga hisgutanan ug unsa mang pagduda sa proseso.
Sumala ni Tinio, nga bisan adunay mga spekulasyon nga i-base lang sa mga aktuwal nga makatambong sa pagtaran ang kinatibuk-ang ihap sa Senado, mas maayo matud pang imintinar ang 24 base figure kung asa gikinahanglan ang 16 nga boto o 2/3 sa Senado aron makonbikto ang bise presidente.
Gihatagan og ginbug-aton usab niini, nga igo ug lig-on ang mga ebidensya ug testigong ipa-atubang sa prosekusyon, ug ang 256 ka mga magbabala-od nga mingbotar alang sa impeachment, masaligon nga igo na aron ma-impeach ug ma-convict si Duterte.
Dugang pa ni Tinio, nga kung mahimong lig-on ang presentasyon sa ebidensya sa pagtaral ug mahimong kasaligan sa publiko, dili matud pa himuong lisod ang pagkuha sa gikinahnglang 2/3 votes alang sa conviction.
