Laing set sa covid-19 vaccines ang miabot sa Caraga Region kagahapong adlawa.
Sakay sa Cebu Pacific Airlines, 7 ka boxes sa Sinovac vaccines ang nahidangat sa Bancasi Airport, pasado alas 7:20 sa buntag kondiin mi-abot sa kinatibuk-ang 10,800 ka mga vials sa vaccines ang nahidangat nga gisugat usab sa mga kadagkuan sa DOH CHD-Caraga, Food and Drugs Administration-Field Regional Office XIII kansa gi-escortan sa PNP hangtud sa cold room storage sa Brgy. Doongan,ning syudad.
Sa kasamtangan nagpadayon ang vaccination sa A1 hangtud A3 priority eligible group sa lahi-lahing parte sa rehiyon.
Gilauman usab nga sa mga nangabot nga bakuna mas mapakusog pa ang adbokasiya sa health department alang sa pagbakuna sa katawhan labi na sa A2 hangtud A3 population.
Samtang sa Regional Task Force-19 Meeting, gitaho sa DOH Caraga nga anaa na sa consumption rate nga 93.79% alang sa first dose sa COVID-19 vaccines ang natupok na sa A1 hantod A3 priority groups as of June 30, kansa bugti sa kinatibuk-ang 163,366 ka mga tawong nabakunahan.
Sa kasamtangan, anaa sa 64,152 ang nakadawat sa second dose sa bakuna kansa bugti sa consumption rate nga 88.91%.
Mi-abot usab sa 64,515 ka mga senior citizens sa Caraga Region ang nabakunahan na kon bugti sa 30.63% sa 210,595 masterlisted alang sa vaccination rollout.
Gitaho usab sa DOH-Caraga nga anaa sa 41,558 ka mga indibidwal ang nakadawat sa Sinovac vaccines samtang 22,958 usab sa AstraZeneca vaccines.
Anaa sa 67.51% ka mga individual nga anaa sa masterlist ubos sa A3 priority group ang nabakunahan na.
Sa rehiyon, miabot sa kinatibuk-ang 72,171 ang masterlisted ubos sa A3 priority group.
Gitaho usab ni Dir. Liza Mazo, ang RTF COVID-19 Chairperson ug OCD Caraga Regional Director, nga misaka ang fatality rate ug daily attack rate gawas sa NCR+ bubble, diin lakip niini ang pipila ka areas sa Caraga Region nga ubos sa MECQ status.
Dugang sa opisyal, nakatala ang local health authorities og highest death tally niadtong June ug giawhag ang katawhan nga mahimong vigilante ug ipadayon ang pagtuman sa minimum health standard.
