BUTUAN CITY – Muabot sa kinatibuk-ang 49,212 ka mga Family Food Packs (FFPs) nga nagkantidad og 17,936,752-pesos ang nahatag na sa Department of Social Welfare and Development kon DSWD-Caraga ngadto sa mga Local Government Units as of June 17.
Kini natunol ngadto sa Butuan City, apil na sa mga lungsod sa Jabonga, Las Nieves, Nasipit, ug Tubay sa lalawigan sa Agusan del Norte; ingon man sa mga lungsod sa Burgos, Bacuag, Claver, Sison, Malimono, Mainit, Del Carmen, Pilar, San Benito, Santa Monica, ug Tubod sa Surigao del Norte.
Natunulan na usab niini ang mga lungsod sa Cagwait, San Agustin, ug Tago sa Surigao del Sur isip augmentation assistance ngadto sa mga pamilyang na-apektuhan sa community quarantine nga mugna sa Coronavirus Disease-2019.
Sa kasamtangan, ang Field Office adunay 6,591 ka mga Family Food Packs (FFPs) nga available kansa nagkantida og PhP 2,262,202.18. Kini gipreposisyon sa managlahing estratehikong area sa Caraga region diin 300 niini atua sa Surigao City, Surigao del Norte; 50 sa RRCY Patin-ay, Prosperidad, Agusan del Sur ug 6,241 sa Regional Warehouse sa Butuan City.
Padayon ang pakig-alayon ug ang monitoring sa DSWD Field Office Caraga sa mga partner-LGUs niini diha sa hisgutanang response and relief operations aron masiguro ang hinaling pagpadala og tabang sa mga nanginahanglan.
