BUTUAN CITY- Gipangunahan ni President Ferdinand Marcos Jr. ang traditional nga Vin D’ Honneur sa Palasyo Malakanyang isip pagsaulog sa ika-128 nga anibersaryo sa Independence Day kagahapong adlawa, Biyernes Hunyo 12. Ang maong panagtapok gitambongan sa mga miyembro sa Diplomatic Corps, mga opisyal sa Gabinete, mga lider sa lehislatura ug uban pang mga importanteng bisita aron i-selebrar ang kaugalingnan sa nasud ug palig-onon ang relasyon sa Pilipinas sa pangkalibotanong komunidad.
Sa opisyal toast ni President Marcos, gihatagan og ginbug-aton niini ang iyang panawagan alang sa panaghi-usa, pagdepensa sa kamatuoran ug padayon nga pagtinabangay sa mga silingang nasud padulong sa kalinaw ug kalamboan. Ang Vin D’Honneur usa ka opsiyal nga reception kansa tradisyonal nga ginahimo sa Palasyo, kaduha sa usa ka tuig -matag bag-og tuig ug Independence Day. Sa pagpamulong sa Presidente, gihatagan og ginbug-aton niini hagit sa kagawasan ug kalamboan sa nasud.
Sigon pa ni Marcos, nga daghan pay hagit nga gi-atubang sa nasud lakip na ang kalisud, gawas matud pa niini ang pangkalibotanong kalihokan ingon man ang climate change ug kinaiyahan. Bisan paman niini, sigon ni President Marcos nga taliwa sa maong mga hagit, wala gihapon nawala ang iyang paglaom sa kaayo ug kakugi sa matag Pilipino
