1,158 aftershocks, natala human sa 7.8 magnitude nga linog sa Mindanao

BUTUAN CITY – Nakatala na ang PHIVOLCS og kinatibuk-ang 1,158 ka aftershocks sunod sa kusog nga magnitude 7.8 nga linog sa Mindanao.

Miabot sa 328 ka aftershocks ang na-locate samtang 28 niini ang nabantayan sa mga residente sa mga apektadong dapit.

Nagdala og kakusgon ang mga natalang aftershocks gikan sa magnitude 1.3 hangtod 6.7.

Sa pagkakaron, niabot na sa kapin 77,000 ka indibidwal ang naapektuhan sa tibuok Mindanao base sa inisyal nga datos.

Samtang nagpadayon ang gipahigayon nga mga search, rescue, ug retrieval operations human sa epekto sa linog, nga nikalas na sa kinabuhi sa 37 ka tawo, nikaangol sa gatusan ka indibidwal, ug duna pay upat nga nareport nga missing.