BUTUAN CITY – Gipasakaan na og kasong paglapas sa Article II sa Republic Act 9165 kon mas nailang Comprehensive Dangerous Drugs Act of 2002 ang mga nadakpang drug maintainers human ang malampusong drug buy-bust operation.
Ang malampusong operasyon sa Philippine Drug Enforcement Agency kon PDEA- Caraga, mibungkag ang usa ka drug den sa Brgy. Maa, Davao City kansa mao ang tuburan sa illegal drugs ning rehiyon sa Caraga.
Ang operasyon miresulta sa pagka-aresto sa duha ka mga drug maintainers nga sila Segundo Montero Llamas Jr. ug Lilian Montero Llamas, uban sa upat nila ka mga bisita.
Nakuha gikan sa drug den ang gibana-banang 13-gramos sa suspected shabu apil na niini ang drug paraphernalia ug ubang mga ebidensya sama sa libu-libong kwarta.
